أسئلـــة عنجـــــد بتقهــــــــر

من طرف **RaYaNoOOo** 4/1/2008, 2:01 am

مطمطرء بتختك ونايم ومطفي الضو ومتغطي بالبطانية وتمك مفتوح متل مغارة جعيتا،
بيجي واحد من أهلك بيفتح الباب ويقول :شو نايم ؟؟

لأ !! عم ارقص.. بس الوضع بيوحي إني نايم
------------
معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا ؟؟؟

لا والله لساتنا عالطريق، في عجئة بشارع بغداد

------------
لابس أحلى أواعيك ومتعطّر وشايل مفاتيح السيارة وجزدانك وداحل لبراةالبيت،
بيجي حدا من أهلك بيسألك، شو رايحلك شي مشوار !!؟؟

لا والله طالع عالأسطوح صلّح السكر

--------------

حامل سماعة التلفون وعم تبلش تدق بالأرقام، بيجيك عنصر مفاجئة من أهلك
وعلى وشه علائم الإستغراب والدهشة: بدك تحكي بالتلفون؟

لأ شو إحكي !!! بس كنت عم جرب صوت طنة الأرقام

----------------

حاطت راسك ونازل دحي بهالكتب والدراسة، بيجي أبوك أو امك...: عم تدرس؟

لا والله ...!! عم غير زيت للسيارة

-------------------

عم تتفتل بسوق الموبايلات بصادفك واحد ( بلا ذكر جنسيتوا )، حامل نوكيا N95
وعم يسأل صاحب المحل: هاظا شاشتا إملونه؟؟

لأ حبيبي - هات من إيدك - هاد جهاز تسجيل حطولو الكاميرا بعدين موديل قديم

----------------------

مذيعة بيوم العيد عم تلفلف بالشوارع وتلطي ع كم مواطن وتسأل وبنفس الوقت
هي بتجاوب: شو بتساوي اول يوم العيد ؟ أكيد بتروح بتزور الأهل والقرايب

لا والله بالعادة بفكر العب دء طميمة وماروح لعندهم

--------------------

نفس المذيعة بشوف ولد بالشارع وبتساله؟ حبيبي بتحب بابا وماما؟

لا مابحبهم , بحب البوسنة والهرسك

--------------------

واحد فايت ع جماعة وشايف الوضع بالشارع معتم والمكتوب مبين من عنوانه، شو مقطوعة الكهرباء؟

لأ حبيبي بس هيئتك بدك تعمى

--------------------

بتطلع بميكرو وبتحط هيك وبتطلع (خمسة)وبتعطيها للي ئدامك، وبكل برودة بيئلك: واحد ؟

لأ 60 !!!!!!!!!!!!!!!!!؟ ورجعلي الباقي

---------------------

أشّر بأصبعته الكريمة لتكسي، وفعلاً وقفلو العينتين، بيسأله: فاض

لأ ... عندي 10 طلبيات، بس وقفت حيونة

--------------------

بدك تنزل من الميكرو: عاليمين زكاتك.... بتتلقى الرد: نازل ؟؟

لا والله بس عم جرب صوتي

-------------------

بتجي بدك تروح على غرفة النوم بتطفي الضو وبتسكر الباب بيجي أخوك الصغير
اللي دايماً بيلحقك شو بدك تنام؟ وكأنه اكتشف القنبلة

لا والله يا عمري عم شوف الساعة عندي إذا بتضوي لما منزوعة

مع تحياتي وكل شكري لكم RaYaNooOOoo

[/color][/color][/size]