الأستلة الموجهة ل M.H.A.T

من طرف **M.H.A.T** 19/1/2008, 10:13 pm

هون حطو أسئلتكون و انا بجاوب أول بأول

من طرف **M.H.A.T** 19/1/2008, 10:35 pm

شو وين أسئلتكون يا شباب

من طرف **M.H.A.T** 20/1/2008, 12:20 am

محدا رح يسأل يعني
تمام
انشالله المدة كلياتا محدا يسألني و لا سؤال
لأنو المدة المخصصة لتوجيه الأسئلة هي اسبوعين

من طرف ***~مالك الاحزان~*** 20/1/2008, 10:48 am

سؤالي هو:

شو هيا احلى لحضة بحياتك؟؟؟؟؟؟؟؟

من طرف **سما الشام** 20/1/2008, 10:26 pm

كلمنا عن موقف طريف صار معك ..
وموقف محرج ..
وموقف حزين ..
وموقف بايخ ..
وموقف غليظ ..
وموقف مغضب ..
وموقف باص ..

هذي بس للتسلية حتى انزل المجموعة التانية

من طرف **سما الشام** 20/1/2008, 11:00 pm

هي المجموعة التانية ::

*هل شخصيتك بالمنتدى بتعكس شخصيتك الحئيئة ؟؟

*ما هو أقرب أحلامك الذي تحقق بالفعل ؟؟ وما هو الحلم الذي ما يزال بعيدا؟؟

*ماذا تعني لك الكلمات الاتية ::

البحر ..

القلب ..

المرآه ..

الحب ..

الغروب ..

الوفاء ..

*سبب اختيارك للنك نيم تبعك ؟؟

الى اللقاء في المجموعة الثالثة

سما الشام

من طرف **M.H.A.T** 21/1/2008, 12:51 am

جواب سؤال مالك الأحزان
أحلى لحظة بحياتي كانت مع البنت اللي كنت بحبها
لما قالتلي لأول مرة انو هية بتحبني
بس للأسف كلو راح

من طرف **M.H.A.T** 21/1/2008, 1:14 am

و الجواب الأول تبع سما الشاام
الموقف الطريف:
لما شافني واحد من رفقاتي بعد وفاة والدي بحوالي شهرين و سألني صحي أبوك مات ؟ قلتلو أنا و زعلان شوي: ايه و الله عطاك عمرو . و بعدها سألني شلون مات ؟ قلتلو والله مات بمرض السلطان... اجا قلي : يا سيدي الله يشفيلك اياه !!! و أنا على ما كنت زعلان صرت اضحك
هادا أطرف موقف صار معي...

الموقف المحرج:
لما كنت عازم اتنين من رفقاتي على الكافتريا اللي بنروحلها كل يوم ( كفتريا المركز الثقافي) و طلبنا مشروبات و قهوة وأنا اللي كنت عازم
و بتفاجء انو نسيان جزداني بالبيت.....

الموقف الحزين:
أكيد لما مات والدي لأأنو كتير كنت بحبو و متعلق فيه و بصراحة كان كتير مدللني لأني أكبر واحد عندو
حتى لما كنت صف سابع عندي سيارة و موبايل 3310 لما ما كان حدا يشيلو غير اللي ابن امو
وفي موقف تاني محزن بالنسبة الي لما تركنا بعض أنا و البنت اللي حبيتها من كل قلبي (ف) لأنو السبب بإنفصالنا كان ناس غريبين شدو فتنة بناتنا
بس للأسف هي صدقتون و كزبتني...

الموقف البايخ:
لما كنت عم طالع دفتر الجيش سافرت عالمحافظة اللي فيها شعبة التجنيد تبعيتي ولما وصلت اتزكرت انو نسيان جنتايتي اللي فيها الأوراق تبعيتي بالرقة و اضطريت انو أرجع لحتا جيبون .....

الموقف الغليظ:
لما كنت عم طالع شهادة السواقة بس ما فيني الكون عليه خاف حدا من شرطة المرور يشوف الموضوع بروح بخبر كان بعدين
اعزروني...

الموقف المغضب :
موجه لشخص بيعرف حالو هادا الشخص أنا أمنتو على كلشي أمنتو حتى عالبنت اللي بحبها بس من ورا ضهري خاني
وبجد لو حدا غيروا ما بزعل بس ما توقعت انو الشخص اللي بعاملو متل أخي يسوي فيني هيك ....
أكيد بيعرف حالو يبس يقرى الموضوع!!!

أما موقف الباص:
ما صار معي لسا بس بيصير بقلكون وعد مني

تمام هيك....

من طرف **M.H.A.T** 21/1/2008, 1:54 am

أجوبة المجموعة التانية الخاصة بأسئلة العضوة سما الشام:

مشان سؤال شخصيتي بالمنتدى ازابتعكس شخصيتي بالخارج ؟ و الله أنا ما بعرف جاوب على هالسؤال بدك تسألي حدا بعرفني بالمنتدى و بالخارج
متل رايانو ومالك و أحمد الأحمد و أنا كمان حاب شوف جوابون..... بتمنى يجاوبو على هالسؤال..

مشان موضوع الحلم اللي تحقق؟
مافي شي تحقق من أحلامي بصراحة
و مشان موضوع الحلم اللي ما تحقق ؟
هو انو بلاقي صديق مخللص و هادا صعب يتحق و لو بعد ألف سنة

ماذا تعني لي الكلمات التاية؟

البحر: الحرية.. لأنو لما الواحد بيطلع فيه حتى لو وصل نظرك للأفق ما فيك تمسكيه أو تاخدي معك أو تؤمريه يغير مكانو....

القلب : البنك ... لانو هادا المكان الوحيد اللي فيكي تحافظي فيه عالناس اللي بتحبيون بدون ومحدا فيو ياخدون منو أو يئزيهون

المرآه: الخيانة ... بتشوفك الشغلات اللي اللي وراكي مو اللي قدامك..

الحب: الكزب والكره وعدم الثقة... لأنو أول الحب كزب لما يقول الواحد لحبيبو انو أنا بحياتي ما حبيت حدا قبلك.. .وبنص الحب عدم الثقة لما يكتشف الحبيب بالصدفة انو حبيبو طلع يحب حدا قبلو لذلك ما بيعود يثق بكلامو .. و أخر الحب كره لأنو لما تحس انو حبيبك كزب عليك و انعدمت الثقة اللي بناتكون ما بكون عندك خيار غير انو تكره حبيبك مشان تنسا و إلا بتضل بتحبو عالفاضي...

الغروب: هدوء ما قبل العاصفة... أن من جهتي بحس انو الغروب هو الخط الواصل بين النهار الصاخب و الليل العاصف و أكيد انتو فهمتو علي ليه النهار صاخب و الليل عاصف...و هي حال الغروب أنا بحسو أحلى وقت باليوم

الوفاء: الخيال العلمي ...لأنو كلنا بنعرف الخيال العلمي مو موجود بس احتمال ينوجد

طبعا و سبب اختياري للنك نيم؟
طبعا هادا النك نيم كان توقيعي من كنت بالصف الخامس و هو الأحرف الأولى من اسمي الكامل
م*** ه*** أ*** ط***
*****M******* H*** A**** T
M.H.A.T

يسلمو ايديكي على هالأسئلة الحلوة سما الشام ممنونك
و الله يسترنا من المجموعة التالتة....

من طرف **RaYaNoOOo** 22/1/2008, 1:16 am

واللهي واللهي لو في تنين منك يا .m.h.a.t كان خربت الدنيا بتجنن انتا هون وبراا

من طرف **RaYaNoOOo** 22/1/2008, 1:17 am

بدي اسئللك انو رفقاتك الي بتختارون على شو بتختارون ( مع انو تلت رباعن ما بشتريون بليرة هادا رئيي الشخصي )

من طرف **الفرات** 22/1/2008, 3:46 am

ردا على سؤال سما الشام عن شخصية محمد فهو شخص رائع بكل معنى الكلمة

من طرف **الفرات** 22/1/2008, 3:48 am

ماهو شعورك اذا أصبحت انا مدير الرقة كافه

من طرف **M.H.A.T** 23/1/2008, 12:06 am

RaYaNooOOoo كتب:بدي اسئللك انو رفقاتك الي بتختارون على شو بتختارون ( مع انو تلت رباعن ما بشتريون بليرة هادا رئيي الشخصي )

طبعا يسلمو ايديك رايانو انت و أحمد (باتريوت) على جوابك على سؤال سما الشام وهي طبعا شهادة بعتز فيها أنا...
و ثانيا هادا جواب سؤالك:
أنا بدي اسئلك لما انته بتكون بصحراء و بتعرف انو ما في مي موجودة بالصحراء و لا رح يكون في صح؟
و بتكون ماشي عالرمل الحار و فوقك الشمس اللي عم تشويك و اننته عايش أكيد رح تعطش و لما تعطش ممكن تقاوم العطش أول مرة بس لما تشوف انو المقاومة رح تموتك
بترضى بأي مي تشوفها قدامك مشان تشربها حتى ولو كنت بتعرف انو بهي المي رح يكون في سم .وتقول لحالك ازا ما فيها سم رح كون ارتويت و ضليت عايش, وازا فيها سم
رح تموتني و أنا عالحالتين ميت بالصحراء ...
وهي قصتي أنا ..
الصحراء بقصتي هي الدنيا اللي نحنا فيها ... و الرمل الحار اللي عم يحرقك هو مصاعب الدنيا اللي بتواجهك بحياتك ... و بقصد بالشمس اللي عم تحرقك هو الوقت اللي عم يمشي...

وهي أصدقاء اليوم رح تضطر انو تصادق حتى تلاقي الشخص اللي رح يكون صديق مناسب ..

بتمننى استاز ريانو انو جوابي ملى كل تشاؤلاتك

M.H.A.T

من طرف **M.H.A.T** 23/1/2008, 12:48 am

باتريوت كتب:ماهو شعورك اذا أصبحت انا مدير الرقة كافه

شعوري هو :
يا مية أهلا وسهلا لأنو أنا بعرف انو انته أهل لهيك شغلة ورح كون كتير مبسوط فيك
بس المهم ما يكون قدوتك أحمد النايف لأنو رح حبك كتير ساعتها

بالتوفيق.....

M.H.A.T

من طرف ***~مالك الاحزان~*** 23/1/2008, 6:31 am

والله بيني وبينكن حمودي مافي منو مو لانو صاحب المنتدى
او اي شي تاني حتى ما صرلي شي بعرفو بس هاو بيعرف انو ااخ عزيز وغالي علي
من اول مرة حكيت معو فيها حبيتو وحبيت انو يصير اخ الي والحمد لله صار ااخ وعزيز

من طرف **M.H.A.T** 24/1/2008, 5:14 am

يسلمو ايديك يا أحلى أخ بجد أنا كمان بعاملك متل اخ الي
وشهادك هي بعتز فيها أنا طول عمري يسلمو ايديك
ممنونك

من طرف **honey_taste** 11/2/2008, 12:23 am

احلى لحظة بحياتك كانت مع ش ولا ف
وبتمنى تجاوب بصراحة

من طرف **RaYaNoOOo** 12/2/2008, 3:44 am

انا بتوقع مع ف بس لازم بشطارتك يا أنسة ش تخليه يينسى الدنيا كلا ويفكر بس فيكي اوكي

من طرف **clover** 15/2/2008, 5:38 am

شكرا يا سيد رايانو لانك ما بتشترينا بليرة انا ما بعرف عن مين بالضبط عم تحكي بس كل الناس خير وبركة ونحن رفقاتو لـ M.H.A.T وما بنسمحلك تحكي عنا هيك انا شخصيا ما بسمحلك تحكي عن رفقاتي ما بعرف كيف M.H.A.T بيخليك

من طرف **clover** 15/2/2008, 5:43 am

وانا عندي سؤال مين اكتر واحد من رفقاتك بتسميه حباب ومين المنافق ومين الغليظ ومين الحلو ومين البايخ ومين الي بتفتخر بصداقتو ومين الي بتتمنى ما حدا يشوفو معك
ومين الي بتكرهو ومين الي بتحب تحكي معو .....................................وبتمنالك التوفيق والتخرج السنة

من طرف **RaYaNoOOo** 15/2/2008, 11:08 pm

أنا أسف بس انا ئلت أنو كم شخص ( الي هنه من جماعة الحكي ورا ظهر الشخص ) يعني ما شملتون كلكن وكلوفر أنتي أحسن مني وكلكون خير وبركة بس مع ذللك في كم شخص من دون زكر أسماء بالمعهد في أشخاص هوايتون اأنو يحكوا شي مو صاير ويحكو كمان حكي من ورا ظهر الواحد وهادا يعني عن جد محمد ئلبو طيب وفيي شغلة انو كل واحد حكا معو خلاه يصير رفيقوا وهاي الشغلة غلط لأنو مو كل شخص بينقال عنو رفيق وبرجع بئللك كلوفر نحنا هون عيلة وحدي بالمنتدا بس عن جد انا حكيت هالحكي من قهري لأنو عن جد عندكون بالمعهد في ولاد صغار كتيرر وأنا ماني ئاصدك ولا ئاصد حدا بالمنتدى لأنو في كم شخص بالمعهد عندكون انتي وأناو M.H.A.T وكل ششباب المنتدا بتعرفوهن

من طرف **M.H.A.T** 16/2/2008, 2:19 am

clover كتب:شكرا يا سيد رايانو لانك ما بتشترينا بليرة انا ما بعرف عن مين بالضبط عم تحكي بس كل الناس خير وبركة ونحن رفقاتو لـ M.H.A.T وما بنسمحلك تحكي عنا هيك انا شخصيا ما بسمحلك تحكي عن رفقاتي ما بعرف كيف M.H.A.T بيخليك

هلا كلوفر منورة يا أحلى زميلة
بس أنا بعتزر عن لسان ريانوووو لأنو هو ما كان بيقصد انو يحكي عالكل بس بيقصد جماعة معينين
ومن هو بصفتو أخ الي حقو يزعل لأنو هنه كتير جرحوني وسولي مشاكل من ورا ضهري
بس ما قصدو عليكي
ولا تخافي أنا ما بسمحلواا يحكي على شلتنا شلة الأخوة (الفشلة السعداء - GLADE LOSER GROUP)
(M.H.A.T-NANOO-SHEHABALLEL-CLOVER-SEMAZA-TOTAA-WITE ROSE - ZEZO-HEMTARO-BESHA-AMAR AL ZAMAN

اللي بيقرب على هالأسماء أنا بمحيه من وش الأرض....
وبقلك انو رايانو ما كان قصدوو...
لأنو أنا بعرفو بيزعل علي كتير....

يسلمو ايديك على مشاركتك معنا ونورتي...
M.H.A.T

من طرف **M.H.A.T** 16/2/2008, 2:32 am

honey_taste كتب:احلى لحظة بحياتك كانت مع ش ولا ف
وبتمنى تجاوب بصراحة

أحلى لحظة بحياتي كانت لما كنت أنا مع واحد من هالحرفين
عم نسمع موسيقا غنية ALWAYES للمطربة ويتني هيوستن وحسينا انو الموسيقى خلصت بسرعة
كتير وكأنو طولها خمس سواني مهيه بالحقيقة طولها 7 دقايق

فإنتي احزري الجواب

من طرف **M.H.A.T** 16/2/2008, 2:51 am

clover كتب:وانا عندي سؤال مين اكتر واحد من رفقاتك بتسميه حباب ومين المنافق ومين الغليظ ومين الحلو ومين البايخ ومين الي بتفتخر بصداقتو ومين الي بتتمنى ما حدا يشوفو معك
ومين الي بتكرهو ومين الي بتحب تحكي معو .....................................وبتمنالك التوفيق والتخرج السنة

أنا أسف كلوفر بس ما فيني جاوبك على هالسؤال
لأنو كل الناس خير و بركة
وازا بقلك اسم شخص واحد مثلا عن الشخص اللي بسميه حباب بكون كزاب
لأنو في أكتر من شخص بحترمون و بقدرون
وزا بسميلك شخص واحد من الناس المنافقين بكون أكتر من كزاب لأنو مليان منون

بس كل واحد لازم يختار صديق و أخ الو
و أنا بصراحة اخترت رايانووو
لأنو هو الوحيد اللي لسا ما شفت منو شر .....

طبعا ما قصدي انو كل العالم طلع منها شي سئ يعني
ومتل ما سبق و قلتلك انو كل الناس فيون خير و بركة
...

و أكيد انتي بتعرفي حالك انك غالية علي كتير متلك متل كل الشلة و بتمنالك التوفيق و التخرج

ملاحظة::
لا تزعلي من حدا لأنو أنا كتير بدايق لما حدا من الناس الغالين علي يزعلو..

و خليكي دائما متفائلة و الله يوفقك....

يا أحلى كلوفر بالدنيا...

أخوكي
M.H.A.T

على فكرة هي العبارة منسوخة من المحرمة

الأستلة الموجهة ل M.H.A.T

الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T

رد: الأستلة الموجهة ل M.H.A.T